去旅行除了食同玩 (我對買的興趣不大) 之外，計劃行程本身亦是一個很大的樂趣。屈指一算我已經有近二十年沒有參加過旅行團了 (最後一次是中學畢業時同幾個同學去泰國旅行)，每次去旅行自己安排交通酒店行程，雖然係相當花時間 (尤其係早年未有Internet)，價錢亦可能會貴D，但可以讓自己出發前已做好功課，充份了解旅程目的地，玩之時也能更細味、更享受。
去關西，京、阪、神、奈是指定動作。這次行程有八日七夜，我選擇了利用超抵的"近鐵五日券" (只要3500日元! 還包三程特急，JR西日本PASS 兩天已經要4000日元了!) 去伊勢半島玩兩、三日，可惜時間不夠，否則去埋名古屋再上高山白川鄉就美妙了... 算啦，還有下次!
這次行程計劃如下:
- 第一天: 午後抵達大阪，訂好了難波附近的酒店，是日逛難波、道頓堀、日本橋一帶。
- 第二天: 上午往姫路城，中午在神戶吃神戶牛LUNCH，下午返大阪逛梅田。(是日 X'mas Eve, 好好體驗日本人的聖誕氣氛)
- 第三天: 上午往嵐山、嵯峨野、天龍寺，午後坐近鐵往鳥羽，已訂好溫泉旅館，包埋伊勢海老自助餐作為我們的聖誕大餐，諗起都流口水...)
- 第四天: 上午參觀真珠島、鳥羽水族館，午後往伊勢神社，晚上到松阪，已訂好酒店，包埋松阪牛燒肉套餐... 啊... 我等唔到了....)
- 第五天: 離開伊勢半島，到伊賀上野城看忍者故鄉 (呵呵，我是獅子狗FAN屎!!)，下午返大阪再入住難波 (貪佢近近鐵、南海電鐵車站，附近又勁多好野食)
- 第六天: 重返京都，是日主要參觀市內各寺院 (清水寺、金閣寺、銀閣寺、八阪神社)，一張500日元巴士PASS已夠用，晚上去祗園，睇下夠唔夠錢食懷石料理!?
- 第七天: 上午遊奈良，午後返大阪行心齋橋作最後衝刺
- 第八天: 上午離開大阪飛台灣
Oh... By the way, 主唱"求婚大作戰"主題曲果位大叔原來係當年我好喜歡的 Southern All Stars 中的桑田佳佑，唔知點解佢而家成個陳昇咁款... 果然係我最最最愛的典型中年麻甩阿伯 (有才華果隻)!!! 哈哈哈!!! 有興趣聽聽啦:
6 則留言:
咁快便編好個行程，好快手喎！
我覺得第三天上午改為到奈良，下午行程照舊，既省時間，又可以盡用個近鉄五天pass。
第二、六及第七日可以買個surrutto 3-days pass，咁便可以坐阪急去嵐山之餘，其他地方亦用得到！連買京都巴士one day pass的500yen 都可以慳回。
lau2tang: 好多謝你的建議，我都係前兩日無所事事Check下大阪Ｄ酒店，發覺有幾間聖誕前後的日子已Fully Booked，所以事不宜遲度完個行程Book埋酒店以免到時煩。
你所講的行程正是我本來的想法，但參考完ec2Japan三杉淳兄的建議行程，決定改成這樣。原因是去嵐山坐小火車回程反正要坐JR，個Surutto Pass唔包，不如去姬路神戶那天我買個JR West 1-day Pass，再用近鐵Pass去京都，買一程ＪＲ去嵐山轉小火車只係230日元，去奈良都係坐近鐵。如此我除近鐵Pass外只係花2000+230+500(京都Bus Pass)合其3000有找，比Surutto 3-day Pass 的5800平一半。反正我在大阪唔會週圍去，都唔駛點坐地鐵（住難波，只計劃去神戶那一天順路去梅田，用JR Pass)。當然，近鐵去京都冇阪急咁方便，連轉車要一小時十五分鐘，但扣埋唔駛轉地鐵都唔算太差。你認為如何？
哦！原來如此！
不過有個surrutto pass會方便好多，例如在祗園，唔駛專登搭巴士回京都車站轉近鉄，可以在河原町搭阪急便可！
在神戶又可以搭神戶電鉄到海岸線那邊，再唔喺走轉有馬溫泉仲得！個3days pass只是5,000yen, 計埋都只是貴2,000yen，但彈性大好多喎！又或者留番一日去機場都得！
lau2tang: 哈哈, 有無被我這個比許多師奶婆仔還要算死草的CHEAP精嚇親呢? 為了慳區區2000YEN算餐飽, 用來食多餐燒肉放題都好丫! :)
不過我都好多謝你的建議, 如困我今次行程長少少, 可以讓我去埋和歌山, 有馬, 寶塚等, 又或者我想住梅田方便玩同購物 (亦方便坐阪急/阪神電鐵), 我都會選擇用Surutto 3-day Pass. 但係我今次唔計頭尾只有六日在關西, 5日用了近鐵PASS, 得番1日用JR PASS就O岩O岩好了...
所以我今次揀酒店的首要條件係近近鐵車站, 我BOOK那間離近鐵難波站只係行1分鐘, 去南海電鐵坐車出機場亦只係3分鐘. 雖然由京都的景點要多搭一程巴士回京都駅, 但一落火車就返到酒店, 唔駛返到大阪再轉車再行就抵番條數.
當然, 如果單純遊京阪神奈, 不打算去三重或名古屋, 張近鐵PASS係用唔著, 可能張Surutto Pass會適合D... 不過三杉淳兄話一般在京阪神內活動, 以每日搭三四程車計都只係1000 YEN左右, 3-DAY PASS平均每日要1600 YEN反而冇乜著數.
唔好咁講！做一個精明的消費者是應洗則洗、應慳則無理由亂浪費啫！喺咪？
可能上次我是住中津，每次四圍去都要轉一程地鐵，所以我用 surrutto 3-days pass覺得好方便和慳好多。但你個睇法都好有道理，等著你回來滙報。
我都急不及待想去呀! 奈何仲有兩個月...
發佈留言